წინასწარი მონაცემებით დიმიტრი ხუნდაძემ ცეზარ ჩოჩელს მცხეთაში არჩევნები 60 ხმით მოუგო

2016.10.31  |  06:51
წინასწარი მონაცემებით დიმიტრი ხუნდაძემ ცეზარ ჩოჩელს მცხეთაში არჩევნები 60 ხმით მოუგო

ცენტრალური საარჩევნო კომისიის წინასწარი მონაცემებით, „ქართული ოცნების“ მცხეთის მაჟორიტარი დეპუტატობის კანდიდატმა დიმიტრი ხუნდაძემ საპარლამენტო არჩევნების მეორე ტურში მის კონკურენტს, ცეზარ ჩოჩელს 0.22%-იანი სხვაობით მოუგო. კანდიდატების მიერ მიღებულ შედეგებს შორის სხვაობა 60 ხმაა. 

ცესკოს წინასწარი მონაცემებით, მცხეთის მაჟორიტარულ ოლქში ხმები 45-ვე საარჩევნო უბანზე დათვლილია. დიმიტრი ხუნდაძეს მხარი ამომრჩევლების 50.11%-მა (13 736 ხმა) დაუჭირა, ცეზარ ჩოჩელს - 49.89%-მა (13 676 ხმა).

 

საპარლამენტო არჩევნების მეორე ტურები 30 ოქტომბერს საქართველოს 50 მაჟორიტარულ საარჩევნო ოლქში გაიმართა. წინასწარი მონაცემებით, 48 ოლქში „ქართული ოცნების“ კანდიდატები ლიდერობენ, გამონაკლისია ხაშურის მაჟორიტარული ოლქი, სადაც „თოფაძე - მრეწველების“ კანდიდატი სიმონ ნოზაძე იმარჯვებს და თბილისში, მთაწმინდის ოლქი, სადაც არჩევნებს დამოუკიდებელი კანდიდატი სალომე ზურაბიშვილი იგებს.