პარლამენტმა ირაკლი შოთაძე მთავარ პროკურორად დაამტკიცა

2015.11.27  |  12:48
პარლამენტმა ირაკლი შოთაძე მთავარ პროკურორად დაამტკიცა

საქართველოს პარლამენტმა 82 ხმით 15-ის წინააღმდეგ მტავარი პროკურორის თანამდებობაზე ირაკლი შოთაძე დაამტკიცა. შოთაძემ ამ თანამდებობაზე გიორგი ბადაშვილი შეცვალა.

მთავარი პროკურორს საპროკურორო საბჭოს წარდგინებით სიითი შემადგენლობის უმრავლესობით ირჩევს პარლამენტი არანაკლებ 6 წლის ვადით. კანონის თანახმად მთავარი პროკურორობის კანდიდატის დასამტკიცებლად საკანონმდებლო ორგანოს მინიმუმ 76 ხმა ესაჭიროებოდა.

 

შოთაძის კანდიდატურას მხარი არ დაუჭირა „ნაციონალურმა მოძრაობამ“, კენჭისყრას არ ესწრებოდნენ „თავისუფალი დემოკრატები“.

 

19 ნოემბერს საპროკურორო საბჭომ მთავარი პროკურორის არჩევნებში, რომელშიც სამი კანდიდატი მონაწილეობდა, მხარი დუჭირა ირაკლი შოთაძის კანდიდატურას.


ირაკლი შოთაძე 15 ნოემბერს საქართველოს იუსტიციის მინისტრმა და საპროკურორო საბჭოს თავმჯდომარემ თეა წულუკიანმა მთავარი პროკურორობის კანდიდატად დაასახელა.

 

შოთაძე 2012 წლის საპარლამენტო არჩევნების შემდეგ მთავარი პროკურორის მოადგილის თანამდებობა ეკავა.