2016 წელს საგაზაფხულო სამუშაოების ხელშეწყობის პროგრამა გაგრძელდება

2015.11.27  |  07:52
2016 წელს საგაზაფხულო სამუშაოების ხელშეწყობის პროგრამა გაგრძელდება

 „ხელისუფლებას ჰქონდა საგაზაფხულო სამუშაოების ხელშეწყობის სამწლიანი პროგრამა, თუმცა გადაწყვეტილია, რომ ეს პროგრამა 2016 წელსაც გაგრძელდება და ჩვენ უფასოდ ჩავატარებთ საგაზაფხულო სამუშაოებს მოსახლეობისთვის, ასევე გავაგრძელებთ მეწარმეების დახმარებას“,- განაცხადა პრემიერ-მინისტრმა ირაკლი ღარიბაშვილმა.

მისივე თქმით, მთავრობის წინა სხდომაზე 8 000 ბენეფიციარს 26 მილიონი ლარის მიწის გადასახადი, დავალიანება ჩამოეწერა.

 

„აგროკრედიტის პროგრამის ფარგლებში, ასევე გაგრძელდება აგროდაზღვევის პროგრამაც, რომელიც ძალიან მნიშვნელოვანია ჩვენი მოსახლოებისთვის და პროგრამა „დანერგე მომავალი“, რომელიც წარმატებით ვითარდება და მიმდინარეობს“,- განაცხადა ირაკლი ღარიბაშვილმა.

 

ღარიბაშვილის განმარტებით, დღეის მდგომარებით აგროკრედიტის ფარგლებში დაფინანსებულია 139 საწარმო. საწარმოებთან დაკავშირებით უფრო დეტალური ინფორმაცია სოფლის მეურნეობის მინისტრმა ოთარ დანელიამ წარადგინა. მისი თქმით, 139 ახალი საწარმოა, ხოლო ამის გარდა 600-ზე მეტია დაფინანსებული გადაიარაღებისა და ტექნიკური გაუმჯობესების კუთხით, მათ შორის სტანდარტების ამაღლების კუთხით.

 

„ჩვენ გვაქვს დაახლოებით 20 საწარმოს განაცხადი, რომელიც ახალ დაფინანსებას ელოდება და 3 არის მონიტორინგზე, ანუ წლის ბოლომდე კიდევ შესაძლებელია ეს ციფრი შეიცვალოს“, - აღნიშნა ოთარ დანელიამ.