სკოლის პედაგოგების ხელფასი საშუალოდ 600-700 ლარი იქნება

2015.11.27  |  07:08
სკოლის პედაგოგების ხელფასი საშუალოდ 600-700 ლარი იქნება

პრემიერ-მინისტრის ირაკლი ღარიბაშვილის განცხადებით, საჯარო სკოლის მასწავლებლების საბაზო ხელფასი 405 ლარი იქნება. განათლების მინისტრის ინფორმაციით, 2016 წლის აპრილიოდან კი პედაგოგის საშუალო ხელფასი საშუალოდ 600-700 ლარამდე გაიზრდება.

„2015 წლის 1 აპრილიდან დაიწყო პედაგოგების ხელფასების ზრდის მეორე ეტაპი და მასწავლებელთა საბაზო ხელფასი გახდება 405 ლარი, პრინციპში უკვე გახდა,“ - აღნიშნა ირაკლი ღარიბაშვილმა.

 

მთავრობის სხდომაზე პრემიერ-მინისტრმა ჯანდაცვის სამინისტროს ბიუჯეტზეც ისაუბრა. მისი თქმით, ჯანდაცვის ბიუჯეტი კი 2016 წელს იქნება 3 მილიარდ 100 მილიონზე მეტი. ძირითადი თანხა საყოველთაო ჯანდაცვას მოხმარდება.

 

2016 წლის ბიუჯეტის საბოლოო პარამეტრებთან დაკავშირებით დღეს მთავრობის სხდომაზე მინისტრთა კაბინეტის წევრები შეთანხმდებიან, რის შემდეგაც მომავალი წლის ბიუჯეტის პროექტი  გადაიგზავნება საკანონმდებლო ორგანოში.