თიანეთის მუნიციპალიტეტში დაცულ სახეობებზე ნადირობის შემთხვევა გამოვლინდა

2015.11.19  |  11:46
თიანეთის მუნიციპალიტეტში დაცულ სახეობებზე ნადირობის შემთხვევა გამოვლინდა

გარემოსდაცვითი ზედამხედველობის დეპარტამენტის ინფორმაციით, თიანეთის მუნიციპალიტეტში უკანონო ნადირობის ფაქტზე, 7 პირი გამოავლინეს. სამართალდამრღვევებმა მდინარე იორის ხეობაში წითელი ნუსხით დაცული სახეობები - მურა დათვი და შველი მოკლეს.

გარემოსდაცვითი ზედამხედველობის დეპარტამენტის ცნობით, მურა დათვისა და შვლის უკანონო მოპოვებით გარემოსთვის მიყენებულმა ზიანმა, საერთო ჯამში, 55 ათასი ლარი შეადგინა.

 

ფაქტი შეიცავს სისხლის სამართლის დანაშაულის ნიშნებს. მასალები შემდგომი რეაგირებისთვის შესაბამის ორგანოს გადაეგზავნა.