დუშეთისა და მცხეთის რაიონებში თევზჭერისა და ნადრობის წესების დარღვევის ფაქტები გამოავლინეს

2015.08.04  |  11:22
დუშეთისა და მცხეთის რაიონებში თევზჭერისა და ნადრობის  წესების დარღვევის ფაქტები გამოავლინეს

დუშეთის რაიონის სოფელ მაღაროსკარის ტერიტორიაზე, მდინარე არაგვზე თევზჭერის წესების დარღვევის ფაქტი გამოავლინეს. გარემოსდაცვითი ზედამხედველობის დეპარტამენტის ინფრომაციით, მოქალაქე საავტომობილო ხიდის ქვეშ, მდინარე არაგვზე თევზაობდა. 

 

შეგახსენებთ, რომ ხიდის ქვეშ და მისგან 50 მეტრის მანძილზე თევზაობა აკრძალულია.

 

გარემოსდაცვითი ზედამხედველობის დეპარტამენტის თანამშრომლებმა მცხეთის რაიონის სოფელ წეროვნის მიმდებარე ტერიტორიაზე ნადირობის წესების დარღვევის ფაქტი გამოავლინეს. მინდვრებში მოქალაქე გადამფრენ ფრინველზე აკრძალული სეზონის დროს ნადირობდა.

 

სამართალდამრღვევმა ნანადირევის მოპოვება ვერ მოასწრო. გარემოსდაცვითი ზედამხედველობის დეპარტამენტის ცნობით, ასევე, მას არ ჰქონდა სანადირო თოფის რეგისტრაციის დამადასტურებელი მოწმობა.